آرزی
ایللر دی کی گولوش لری ،
باخیش_باخیش ،
سئوینج لری اوره ک _اوره ک ،
اوغرون_اوغرون،گوزیاشیلا،
یار هوسین دینله یه ره ک ،
قوزئیلره گونده ر میشم !
*قوجا فلک تانیر منی ،
چیله نمیشم گولوشونه ،
یاغیش کیمی
چیر پیلمیشام آیاغینا
توو _تله سیک ،
کولک کیمی !
سنسیز لییه سور گون دو شن ،
اوره ییمین باغلی الی،
دویون له ییر دیلک سازین ،
قیریق تئلین !
اوره ییمین سارا ییندا ،
ساچین هورور نفسلرین ،
عطرین دورور ،دورا جا قدیر ،
اوره ییمین سارا ییندا ،
چالاجاقدیر ائل عا شیغی ،
خان چوبا نی
اوینایا جا ق
یابا نجی لار آجیغینا ،
قاوال رقصین !
ان ابدی حسر تیمین ،
نه اول دو سون اونوت دئیه،
اوره ییم له ،
اوینا یاجاق
قو جاقلا شان آر زی لاریم!
