اینلــه یـه ن، اوزانـام تئللــی سـازیمسـان

سینه مده، دوز کیمی! یـالارام سنـــی!!

سوئیکه سن چاناغین كوئیره ک اوره گه

دوبيتي اوستونده ،چـالارام سنــی!!

.......................................................

قـارانليــق چـوکــوبـدور، آليـــن يازيمــا

پاييـزیــن دوشـوبـدور، ياشيـل يـازيمــا

گه ل باخما، سینه مده، چارپاز یازیما

قئیمیـــرام! قهـــــره، سـالارام سنــي!!

................................................ 

هـــر كيميـن دردینـی، اوز ائلـي بيله ر

دلــی نیـن دردینـی، تک دلـــی بیلــه ر 

 بیـــر دامـلا قـدرینــی، یارالــی بیله ر

تـامـارزي دوداغــا! جـالارام سنـــي!!

...................................................

هـارداسـان الینـه، الیـــم یئتیشمیــــر

آرزی حیات بویو، دولمور، بیتیشمیر

دئمه!: پاک سئوگینه، واریم چاتیشمیر 

عـومـور بـاهـاسینـا، آلارام سنـــــی!!

.....................................................

سن منیم سوزوم سن، نغمه م آوازیم

ائلیمسـن، دیلیـم سـن، گــرایلی یازیم

"خزره" م، آی تئللی، صدفلی سازیم!!

هؤوروک،تــک! بوینوما، دوولارام سنی!!

....................................................

بیر پاییزگئجه سی...

 یارپاقلار ،

           اوپوشورلر

ومن...

سئوینمه سین آیریلیق

                  الیمده کی شکیلینی

                                      اوپمو رم.

تمیز دویغولو گئجه

اولدوز بایراغی ساچیلیب

دوغولمادادیر بیر سنلی توی قایغی سی

گوزلریم ایشیقلار اویناغی

سئوینج اوجاغی . . .

              دیلیم شور ماهنیلی

                                      و سن . . .

بیلمه دن آلینیرام ! ! !

اوره ییم  اسیر،

آغیر بیر حیس ایچینه چکیر

                                 منی،

 خینوو لی  ایت دیرسه گی  موچورلانیر

 اوره ییمین گوزونده!!

اوزاقلاردان روح کوئیره لده ن اوزان سسی،

دیلغمی، یانیق کرمی،  اینجه گولو،

 یالنیز آغیر هاوالار،

یاخینلاشدیم سنه

وقاداقلاندیم،

حیــــران . . . !! حیــــــران. . .!!

توی گئییمینده یوخ!

ملک اوخشارلی؛ آغ یاراشیقدا تاپدیم سنی!

سس سیزـ سمیر سیز

خزان چاغیندا سنلییم باهاریم،

دونموش نفسین ایسیندیرمه دی هئچ.

سئوینج . .  .

دویونتولریمین سمفونی سین دونده ریب!

 آغی مارشی سینی باشلادی.

 سویودو او قیزغینلیق !!!

دولدو . . . و . . . اولدو . . .

گوزوم سنسیزلیک  چاناغی،

و . . . . 

ابدی نیسگیل بولاغی      

         دیلیم ایسه سارا ماهنیلی

                                    و

                                       سن. . .

ماراغا شهری، ان قدیم و اسکی شه هرلرده ن بیری اولموش؛کی ۷۰۰۰ ایل ماددلارین قوم اینده ن قاباخدا اولموشدیر."پارتیبان" دورینده بیر آبادلی شه هرایمیش ؛ و ساسانی لر زامانیندا دا، یوکسک اینکیشافلیغا ال آتیب. بو شه هر زرتشت ین دوغوم یئری و اصیل آتش پرستی لیک مسلکینین توره دیجی و رواج وئره ن یئری اولوب. مادلارین گلیشینده ن قاباق،بو اولکه ده مانن لر حوکوم سوروب و دوؤلت چیلیک ائدیرمیشلر.٪ 

// بئله لیک له اشاغیدا کئچمیش عصیر لرین تاریخ آخیمیندا بو اولکه یه مخصوص و عاید اولان زنگین وارلیغیندان يوزده بيرين (گوی برج- مسجد لر- گشايش - قارا پالچيق - و و و ) اولاراق  آنجاق بونلاري، نمونه گتیرمه گی اوزومه بورج بیلدیم//

بو یووارلاق و دایره وی( بورج مدوور) آدلی قولله: ۵۶۳ نجی ئیلین رجب آییندا بو بینا تاماملانمیش.آنجاق بانی سی و ائینشاهات چیسی و حتی کیمین مزار و توربه سی اولدوغو نامعلوم دیر. بو بینانین آستاناسی اوسته ایکی کوفی خطی ئیله یازیلمیش ایکی کتیبه وار کی ماوی و یاشیل بویاخلی کیچیک- کیچیک ئوزه رینه پارلاق شیره ده ن ناخیش چکیلمیش، گیل لوحه لری وار.

. 

 بورج مدوورین ۱۰ متریلیک فاصله سینده اولان بو اون(۱۰) بوجاق گوزه ل و منشور شکیللی بینا،" گؤی متیراق بویاخلی بورج"( برج کبود) آدلی بینا یئرله شیر، کی بو توربه هولاکو خانین آناسینا منسوب دیر.بــو قـــوببه، ۵۸۲ و ۶۵۶ هجری ئیللرین آرالاریندا هولاکو خانین دوولت چیلیگینین استقرارینده ن سورا بنا اولوموش  بیر بورج دیر

"قیرمیزی قــوببه" (گنبد سرخ) ماراغادا، ان اسکی و قدیم معبد و توربه ساییلیر، کی هجری ئیلینین ۵۴۲ سینده شووال آینین ۱۵ ئینده عبدالعزیز بن محمود بن سعدین ( آذربایجانین بویوک باشچی لاریندان بیری) حیاتی دورو، تیکیلمیش، و بو معبد دیلمیان لارین مغلوبیتینده ن سونرا، " احمد یل بن ابراهیم" ادلی آذربایجانین حوکمدارینا عاید اولان توربه دیر .٪  

بو قوببه ماراغانین شمالغرب حیصه سینده صافی آدلی چایین کنارینده واقع اولوب واینشات ایللری ۷۲۵و۷۲۸ ه.ق  ده باش توتوب.بورادا دفن اولونموش شخص "شمس الدین قراسنقر الچرکسی المنصوری دیر. آمما نظام الدین احمد حسین غففاری " آق قویونلو"لار دورینده مکه زیارتینده ن قئیده رکن زووارلار اسچون استراحت مکانی یاراتمیشدیر.و او بورج کی قدیم ده ن بو عمارتین یانیندا واریمیش( غففاریه بورج) ئینا شهرت تاپمیشدیر.%

شیخ رکن الدین ۵۷۰ نجی ه.ق ئیلینده ماراغادا دوغولموش و۷۳۸ ه.ق ده ۶۸ یاشی اولاراق بودونیادان کؤچموشدو. او اوز تحصیلاتین ماراغادا باشلامیش و باشقا حتی خارجی اولکه لر گئتمه میشدیر . بونا گورا کی او زامانلار ماراغادا هولاکو خانین پایتختی اولدوغونا عالی و شایسته مکتب لر واریمیش.

" آقالار" توربه سی، "میر فتاح موسوی مراغه ای"نین مزاری سایلان بو آرامگاه ۱۱۷۵ نجی ه.ق ئیلینده "ظل السلطان" طرفینده ن اوز مورشد و مرادینا اولان  خاص احترامی ایچون بنا اولونوب.٪ 

بو "رصد خانا " هولاکونین فرمانی اساسینده "معتبر وزیری " خواجه نصیرالدین طوسی " نین توسط ئیله(۶۵۶ ) نجی ئیلده اوز پایتختی ماراغادا دنیانین ان معتبر مکانلاریندا اولدوز و یئر جیسیم لرین گوروب و انکیشاف ائتمه ک ایچون جیهازلار قورولموش بیر علمی مکان اولموشدور. کی سمرقند، چین، استانبول و هند اولکه لری بو رصد خانادان اؤلگو گوتورمیشدیلر.

"مهــــری" معبدی،( امامزاده معصوم) ادیلا شوهرت تاپمیش و ماراغا شهرینین آلتی (۶) کیلومترلیک مسافته " ورجوی " ادلی محلینده قرار توتموش.بو توربه بویوک عبادتگاهلار داندیر، کی وسطینده اولان مزار امامزاده معصوما عایدیر،و بوتیکینتی موختلیف حیصه لری غار شکلینده یئرین درینلیگینده بوتون قازیلمیش و آنجاق اوزو اشاغی اولان کیره جه گینده ن سورا باشقا بیر جیغری و یولو یوخدیر.

سیغینار بنوشم، چوله ـ چمنه !

هارداسان دایاغیم؟ دایانام،یئنه!

ایللردی ایچیمدن سوروشورام هئی...

ابدی حسرتیم نه اولدو سنه؟

کونلومون پرده سی سنسیز داریخیر!

کوچه لر ماهنیسی ، ایچیمده آخیر!

گوزوم دویغولارین اله ییب،باخیر،

توکنمز محنتیم، نه اولدوسنه؟

ایزله اوره ییمی، ایلدیریم چاخیر

سونسوز آرزیلاریم کوکسومو یاخیر

سن منه بیر پای سان، بیر آتیم چاخیر

قوجالماز نییتیم،نه اولدو سنه؟

آجیلار ایچیمی ائشه،  یئری وار

حسرتین باغریمی دئشه، یئری وار

گلیشین کولگه سی دوشه، یئری وار

شربتیم، صحبتیم،نه اولدو سنه؟

بير اوزان کیمی  یم، سازا باغليام

شاه پرده لي  او شاهنازا باغليام

ماوي خزر، کور  آرازا باغلييام

سه گاهيم، باياتيم  نه اولدو سنه؟

شکیلینه

دولدوغوم  آن،

اوزومه چوکورم 

              اوزومدن!

ایچیمده دوغولورسان

یالنیزلیق دویغوسون

                   دویدوغوم آن،

ائشیدیرم

            سنی......

ودویورام

           سسینی.......

آل سسین ،

             نه دئمک ؟

آغی

      یاغدیریر

                باغریما

و قار

      چیله ندیریر

                  یارپیز قوخولو

                                    وارلیغیما،،،

ایندی ایسه

    تامسینیرام،،،

    . . .

   ان آجی بیر داد،،،

   . . .

  سنسیزلییی،

سوُسوُر 

گوزلو باخیشلاریم

                     سوُسوُر؛؛

و ان ذیروه لردن

حزین سسین پیچیلداییر

                   سوس، خزریم،

                                     سوس،،،،،،،،،

گوزلریم تیکیلیب چنلی یوللارا

کونلومدن یار غمین آتا بیلمیرم،

یاخیندا بیر ایستک بیر آتدیم آرا

نه قده ر قاچیرام چاتا بیلمیرم،

سئوگیلیم دردینه دایانماق چتین،

خاطیرن ایچیمده قان کیمی آخیر

گوزومون بولودوگورنئجه چیسکین !

آرخانجا اله ییر، آرخانجا باخیر

خایاللار گویونده سنله اوچایدیم

سورغولار،سورغولار،یئنه سورغولار

سوراردیم، سئوگینی تانیماسایدیم!

 آیریلیقدان آسان حایاتدا نه وار؟

بیلیرم کی بیر گون ندنسه، هاردا

 حسرتین گوده می اوتوب، ازجک!

بیلیرم دونیانی من دولانسامدا

گوزلریم هر یاندا سنی گزجک!

آیریلان گونونو یادا سالیرام،

آجیلار بویلانیر آندیریر منی

یئنه آیریلمامیش سنه دالیرام!

سنسیزلیک آلو تک یاندیریر منی.